High Table Dinner x Eric Yeung
嘉賓：楊全盛先生 Eric Yeung (香港中小企商會副會長、
香港青聯科技協會主席)
日期：2015年01月20日 (星期二)
時間：晚上7:00
出席幹事感想分享：
Ryan (馬鞍山青年協會副會長)
自2014年始，馬青多了一項傳統，就是在Gary帶領下，組成一隊「揼心口」小組，玩法是每兩個月邀請一位城中名人宴開一席，請我地一班核心成員食晚飯，分享做人處世的道理。
2015年第一位的主角，係楊全盛(Eric Yeung)。六歲學寫第一個電腦程式，中學時代已經接生意幫人寫綱頁。大學畢業後憑著佢開發的一套工作流程管理系統創業做老闆，今時今日香港好多銀行都依賴佢套system黎運作，未到三十歲就做上巿公司董事，Eric絕對可以話係人生勝利組的重要一員，到底佢有咩秘訣？
High Table Dinner x Eric Yeung
嘉賓：楊全盛先生 Eric Yeung (香港中小企商會副會長、
香港青聯科技協會主席)
日期：2015年01月20日 (星期二)
時間：晚上7:00
出席幹事感想分享：
Ryan (馬鞍山青年協會副會長)
自2014年始，馬青多了一項傳統，就是在Gary帶領下，組成一隊「揼心口」小組，玩法是每兩個月邀請一位城中名人宴開一席，請我地一班核心成員食晚飯，分享做人處世的道理。
2015年第一位的主角，係楊全盛(Eric Yeung)。六歲學寫第一個電腦程式，中學時代已經接生意幫人寫綱頁。大學畢業後憑著佢開發的一套工作流程管理系統創業做老闆，今時今日香港好多銀行都依賴佢套system黎運作，未到三十歲就做上巿公司董事，Eric絕對可以話係人生勝利組的重要一員，到底佢有咩秘訣？
世界上好多成功法則都教人專注自己的熱情所在，無獨有偶哩個亦都係Eric的致勝之道。佢創業初期公司已經擴充到二十人，但由於現金流週轉不靈曾經欠下二百萬巨債，不過就係倒閉前的一刻，因為其樂天的性格加上對創業的熱誠，不但成功吸引投資者解決燃眉之急，及後更搖身一變做埋上司公司董事。
「投資者其實唔係睇中你個product覺得work先投資你，甚至有時佢地會覺得你尼個product一定死硬，但都會照樣注資比你，點解？因為佢地睇中你同條team，覺得你地夠痴線、有潛質，佢地相信你地可以從尼個project身上汲取經驗，造就下一個成功的案例」Eric同我地講，無論創業好打工都好，態度與熱誠是最重要的，份CV堆砌得再漂亮，對方依然可以從你的History中發現你對工作是否充滿熱誠，是否一個team player，是否一個值得投資的人；專注自己鍾愛的事情，是最有效的成功法則。
世事洞明皆學問，快樂原來此中尋：
成功的定義可以有好多種，Eric就認為成功的人唔一定快槳，但快樂的人已經好成功。「我人生最開心的一刻，係參加全港street fighter街機大賽，取得第三名的一刻」。Eric對格鬥類遊戲相當沉迷，大學時期在一款Gundam街機的花費曾達數萬元以上，位列積分榜首連續好幾星期叱咤風雲、一時無兩。
原來Eric揀遊戲都好有原則：「我唔鍾意玩果D乜乜無雙、純粹發洩的Game；我特別鍾情格鬥game，因為我好鍾意研究遊戲世界背後的規律同法則(遊戲如何達致平衡? 如何突破限制)，加上只要你學懂閱讀對手心理，就算你得返一滴血，都可以借己之短攻人之長，反敗為勝。」Eric將尼套心法一以貫之，用於為商之道，佢認為機會總是於困境之中伴隨而來，細心觀察、冷靜忍耐、放膽嘗試，定必可以絕處逢生。
與Eric一席話，發現成功人士之所以做咩都成功，係因為佢地所有事情都樂於做到最好，連打機都比一般人專注同投入，Eric確實做到能人所不能，為人所不為。誠然，知道與實淺是一回事、實淺與樂於實淺又是另一回事。
若有一天，我們都能做到知行合一，離成功自不遠矣！
Hong sir (馬鞍山青年協會幹事)
初次與 Eric 見面，感覺比過往的嘉賓年青、有活力，晚宴全程感覺輕鬆愉快，很高興能在 Eric 口中得知他鮮為人知的小秘密，包括曲與直的決擇、機鋪中的圍觀，想不到一個年青企業家的小時候有如此瘋狂過。
- Eric 談 “行錯路、差錯步”
晚宴中 Eric 回答有關人生中曾經的錯誤決定，竟然得出一個 “沒有” 的答案，因為Eric 認為每一個決定都影響着自己的人生，不論成與敗，沒有過往的經驗，則沒有今天的事業，那天錯誤的決定也可以是今天成功的成份。
- 學習 Eric 的樂觀
晚宴中其中一大得着是 Eric 面對困難的心態，他提及到當面對着空前困難時，要學會在最差的形勢中尋找最大的優勢，相信總有方法可解決，同樣地，縱使員工 如何地缺乏才能也總有可以被發掘的一面，要好好善用團隊中的每一員。
- 學習的態度
在 Eric 心中他並不認為自己與別不同，但他相信自己於學習上會比其他人快，對於自己感興趣的事則費盡心思去了解箇中的原理，做深入的了解，學懂如何學習，運動如是、遊戲如是、工作也如是，這才能使自己做得更好。
Gary Yip (馬鞍山青年協會幹事)
這夜，我等與Eric Yeung於旺角私房菜共進晚宴。時值老闆舊同學同場晚宴，人數眾多，極其熱鬧。稍有不留心，必錯過嘉賓發言。嘉賓從讀書時代講起，提及如何名成利就，到失敗，再東山再起。言語風趣幽默，絕不冷場。是夜，笑聲不絕於耳。
古云：「創業難，守業更難。」
嘉賓當日一人之力創業，適逢科網熱起，業績直上九萬里，風光無限。熱潮過後，嘉賓仍可守業，俟待時機東山再起。嘉賓如今事業家庭兩得意，可謂個人努力成果。話雖如此，嘉賓卻無忘讀書之樂，十數年間進修不絕，其志可嘉。
言談間知悉當年選擇I.T行業，源自興趣，興趣化為引擎，自成推動力，能得今日成就，實至名歸。
每個成功人士背後付出不為人知，人人見其風光，卻不知辛酸。聽嘉賓談話，方知當中有何辛酸事。果是聽君一席話，勝讀十年書。
Natalie (馬鞍山青年協會幹事)
- 遊戲規則
Eric 所講既遊戲規則真係好深刻, 其實細個考試，到選科, 出社會工作以至做生意，識點玩每樣野既遊戲規則—定會事半功倍, 記得Eric 話有Ｄ野佢一係唔玩，—玩就要做到最好, 唔理打機定玩籃球，呢兩個係好深刻既例子。社會及資料既進步令到人可以短時間內接觸到好多野，但卻欠缺専注用心。好多野只知皮毛但卻唔精, 要做subject matter expert 真係唔易。呢個遊戲規則其實可以係好多野上面實踐到，工作學習等等。
- 樂觀迎挑戰
另外亦好欣賞Eric 面對困難時既樂觀同堅毅,教我地要多從失敗中學習！由創業做老闆到欠下巨債，依然可以從容面對。其實可以證明除左一紙學歷外，EQ決定人成功與否既重要因素。我相信有好既EQ係依家呢個社會特別重要，係好多負面的情緒下，有好既心態同正能量係成功的要素。
好多謝ERIC用左好多個人的經歷去訴說一個個有趣又深刻既道理，希望有機會再與Eric 學習!!
